မင်းဇံ
(လေးဝတီ)။ ။ရခိုင်သမိုင်းခတ်အဆက်ဆက် အသုံးပြုခရေ
ရခိုင်အက္ခရာကျောက်စာသင်တန်းကို စစ်တွေမြို့ ဘောက်သီးစုရပ်ကွက်
ရခိုင်ဒီမိုကရေစီအဖွဲ့ချုပ်ရုံးမှာ လွန်ခရေ ဂျန္န၀ါရီလ ၉ ရက်နိ့က
စတင်သင်ကြားပို့ချနီကြောင်း သိရှိရပါသည်။ယင်းကျောက်စာသင်တန်းကို သင်တန်းဆရာဦးကျော်ဇံမောင်က အခမဲ့သင်ကြားပို့ချနိန်စွာဖြစ်ပြီးကေ သင်တန်းသား ၁၀၀ ကျော် ရှိရေလို့ သိရပါသည်။
“သင်တန်းကို အပါတ်စဉ် ညဇာဖက် ၇ နာရီကပင် ၉ နာရီအထိ သင်ကြားပို့ချနိန်စွာဖြစ်ပြီးကေ အဂုလက်ဟိ အာနန္ဒာဒန္ဒြားကျောက်စာကိုသင်ကြားနိန်ပြီးကေ နောက်ထပ်ခေတ်အဆက်ဆက်က အသုံးပြုခရေ ကျောက်စာရီးနည်းဖတ်နည်းတိကိုလည်း သင်ကြားပို့ချလားဖို့ရှိရေ” လို့ သင်တန်းဆရာဖြစ်တေ ဆရာဦးကျော်ဇံမောင် က ပြောပါသည်။
အယင်က အဂုပိုင် ရခိုင်ကျောက်စာသင်ကြားခြင်းကို အယင်အစိုးရအဆက်ဆက် ပိတ်ပင်တာဆီးခကေ့လေ့ အဂုယင်းသင်တန်းဖွင့်လှစ်သင်ကြားပို့ချခြင်းကို အာဏာပိုင်တိက နှောက်ယှက်စွာ တခုလေ့မရှိလို့လည်း သိရပါသည်။
အဂုအခါ ယင်းကျောက်စာသင်တန်းကို ရခိုင်လူငယ်တိအများအပြားတက်ရောက်လာပြီးကေ သင်တန်းပို့ချသင်ကြားမှု အားရကျေနပ်ဖို့ကောင်းရေလို့လည်း ပြောဆိုပါသည်။
အဂုပိုင် ရခိုင်ကျောက်စာကို အခမဲ့သင်ကြားပီးနိန်ရေ ဆရာဦးကျော်ဇံမောင်ရေ ရခိုင်အနုပညာကို ရှာဖွေဖော်ထုတ်ခသူတစ်ယောက်ဖြစ်ပြီးကေ ရခိုင်စိုင်းန္ဒြားဗဟိုလ်စည်အဖွဲ့ကို ထိန်းသိမ်းစောင့်ရှောက်ထားရေ ခေါင်းဆောင်တစ်ယောက်လည်း ဖြစ်ပါသည်။
ရခိုင်လူမျိုးတိအတွက် ပျောက်ကွယ်စပြုလာရေ ရခိုင်စာပီအက္ခရာတိကို ဆရာဦးကျော်ဇံမောင်က မျိုးဆက်သစ်ရခိုင်လူငယ်တိအတွက် သင်ကြားပို့ချနိန်စွာ ဖြစ်ကြောင်း သိရပါသည်။
ယင်းအပြင် ရခိုင်ကျောက်စာသင်တန်းကို Internet Online ကပါ သင်ကြားနိုင်အောင်အတွက် စစ်တွေမြို့က နည်းပညာကျွမ်းကျင်ရေ လူငယ်တချို့နန့်လည်း စီစိုင်နိန်ကတ်တေလုိ့ သတင်းရရှိပါသည်။
No comments:
Post a Comment