မြန်မာ-ဘင်္ဂလာ
နယ်စပ်လုံခြုံရေးတပ်ဖွဲ့များအကြား ပုံမှန်ချစ်ကြည်ရေးနှင့်
နယ်စပ်လုံခြုံရေးအတွက် ယခုလအတွင်း သုံးကြိမ်မြောက်
တွေ့ဆုံဆွေးနွေးပွဲတစ်ခုကို ဗုဒ္ဓဟူးနေ့က ကျင်းပပြုလုပ်သွားခဲ့ကြောင်း
သတင်းရရှိသည်။ယင်းဆွေးနွေးပွဲကို ဘင်္ဂလာနယ်စပ်ပိုင်နက်ရှိ နတ်ချောင်းဆရီမြို့နယ် စာက်တာလာဒေသ BGBစခန်းအတွင်း ပြုလုပ်ခဲ့ခြင်းဖြစ်ကြောင်း သိရှိရသည်။
တက်ရောက်ဆွေးနွေးခဲ့ကြသူများ အနေဖြင့် နယ်စပ်တွင် ဖြစ်ပေါ်လာမည့် အခြေအနေများကို ပူးပေါင်းဆာင်ရွက်သွားကြမည့်အရေး၊ ကျူးကျော်ပြီး မှောင်ခိုလုပ်ငန်းများနှင့် ပတ်သက်သူများကို ဖေါ်ထုတ်အရေးယူသွားကြမည့်အရေးနှင့် တပ်ဖွဲ့များအကြား ချစ်ကြည်ရေး အတွက် ပုံမှန်အစည်းအဝေးများကို တိုးမြှင့်ပြုလုပ်သွားမည့်အရေးကိစ္စများအား အပြန်အလှန် ပြောဆိုခဲ့ကြကြောင်း သိရှိရသည်။
ယင်းတွေ့ဆုံပွဲသို့ နစက နယ်မြေအမှတ်(၂)မှ နယ်မြေမှူး ဦးထွန်းထွန်းနိုင် ဦးဆောင်ပြီး အဖွဲ့ဝင်(၈)ဦးနှင့် ဘင်္ဂလာမှ နတ်ချောင်း ဆရီမြို့နယ် အခြေစိုက် BGB တပ်ရင်းအမှတ်(၁၅)မှ တပ်ရင်းမှူး မာဟ်ဘူဘူရ် ရော်ဟ်မာန် ဦးဆောင်ပြီး (၇)ဦးတို့ တက်ရောက် ဆွေးနွေးခဲ့ကြခြင်း ဖြစ်သည်။
အောက်တိုဘာအတွင်း နစက-BGB တွေ့ဆုံဆွေးနွေးပွဲများကို (၂)ရက်နေ့ကတစ်ကြိမ်၊ (၇)ရက်နေ့က တစ်ကြိမ်နှင့် ယခုတစ်ကြိမ် ပြုလုပ်ခဲ့ ကြခြင်းဖြစ်ကြောင်းနှင့် မြန်မာ-ဘင်္ဂလာ နယ်စပ်ချင်းဆက်စပ်နေ၍ သက်ဆိုင်ရာ နယ်မြေဒေသအခြေစိုက် တပ်ရင်းများအတွင်း အလှည့်ကျ တာဝန်ရှိ အရာရှိများအနေဖြင့် ချိန်းဆိုတွေ့ဆုံခဲ့ကြခြင်းဖြစ်သည်။
ArakanTime
No comments:
Post a Comment