ပြည်ကိုကျူးကျော်မျိုးကိုကျွန်ပြု
ဘာသာကို စော်ကား
လူကိုအလေးမထား
သမိုင်းကိုဖျောက်
စဉ်လာကို ချိုးဖေါက်
အသွင်မတူသူတိ လုပ်ရပ်တိကြား
ရင်တမော့မော့
ခေါင်းငုံ့ခံကတ်ယင်း
လူဖြစ်ရှုံး ကျွန်ပုန်းဘ၀နန့်
နီရာအနှံ့ လမ်းဟြှာလို့
ရောက်လာနိန်ကတ်စွာလည်း
ဆယ်စု ၂၃ ခါ ရောက်လတ်ယာ...။
ကျွန်သက် ၂၀၀ ကျော်
ဝမ်းနည်းမှုတိ ကြေကွဲမှုတိ
ရင်ထဲမှာမဆန့် ပြောမထွက်နိုင်အောင်
ရင်မှာဆို့လို့ လွတ်မြောက်ရေးလမ်းပျောက်
မိုင်ထောင်သောင်း ခရီးကိုတောင်
လမ်းဟြှာရောက်ဟိ့
ဘသာခြား လူမျိုးကွဲတိကြား
ကြည်ဖြူစွာပေါင်းဖက်
တိုးတတ်ဖို့ရာလမ်း
တူညီစွာ ဟြှာနိုင်ကေလေ့
ဇာအတွက် ဇာအကြောင်းကြောင့်
အရာရာတူညီ
မကွဲပြားလိုချင်အား
လွတ်လပ်တေ လူသား
ရခိုင်ဆိုကေ ရခိုင်ကိုချစ်
ရခိုင်ပြည်ကို မြတ်နိုးကတ်တေ နှုတ်ဖျား
လက်တွိမှာ မပေါင်းစည်းနိုင်ကတ်ရစွာ
စဉ်းစားမရ အို ရက္ခိတ..။
သူငါစိတ်မှာ ယုံကြည်စွာနန့်
မျိုးတွက်ပြည်တွက် လက်ချင်းဆက်လို့
လိုလားမှုကို တောင်းဆို
ပျောက်ဆုံးမှုကို ပြန်ဟြှာ
ကျွန်ဘ၀ကို ရုန်းထွက်
သမိုင်းကြွီးကို ဆီးကြော
အောင်မြင်လွတ်မြောက်မှုအတွက်
ဆယ်စု ၂၄ ခါ မဖြစ်ချင်ပါယာ..။
Posted by ဇော်နိုင်မောင်
No comments:
Post a Comment