ကျနော်ကြုံတွေ့ခဲ့ရတဲ့ ဗမာဆေးဆရာတစ်ယောက်

ကျနော်ဒီအကြောင်းတွေမပြောခင် တစ်ခုကြိုတင်ပြောပြချင်တာက ကျနော်ပာာ ဆရာဝန်တစ်ယောက်ဖြစ်ပေမယ့် ဘယ်တုန်းကမှ ဗမာဆေးကိုအထင်သေးခဲ့တာမျိုးမရှိပါဘူး။ အင်္ဂလိပ်ဆေးနည်းတူ ဗမာဆေးတွေ၊ ဗမာဆေးဆရာတွေမှာလည်း အားသာချက်တွေရှိမယ်ဆိုတာကို လက်ခံထားပါတယ်။ ဒီစာကိုရေးဖြစ်တာပာာလည်း ကျနော်ကိုယ်တိုင်ကြုံတွေ့ခဲ့ရတဲ့အဖြစ်အပျက်တစ်ခုကို တခြားလူတွေလည်း နမူနာယူပြီး သိစေချင်လို့ပါ။

ကျနော့်အဖွားပာာလွန်ခဲ့တဲ့ ၂၀၁၁ခုနှစ် ၁၂လပိုင်းအကုန်လောက်မှာလေဖြတ်တဲ့ဝေဒနာကိုခံစားရတဲ့အတွက် ဆေးရုံတင်ခဲ့ရပါတယ်။ လေဖြတ်တာကြောင့် ကိုယ်တခြမ်းသေသွားပြီး စကားလည်းမပြောနိုင် လှုပ်လည်းမလှုပ်နိုင်ဖြစ်သွားပါတယ်။ CT scan ရိုက်ကြည့်တော့ ဦးနှောက်ကြွက်သား ပုပ်သွားတာကြောင့် ပြန်ကောင်းဖို့အခြေအနေအတော်လေးနည်းပါတယ်။ ဒီလိုနဲ့ဆေးရုံကဆင်းပြီး အိမ်မှာပဲအကူသူနာပြုခေါ်ပြီးထားခဲ့ရပါတယ်။ ဆေးရုံမှာအစာစားလာနိုင်တဲ့အတွက် နှာခေါင်းပိုက်ကိုဖြုတ်ခဲ့ပေမယ့် ဆီးမထိန်းနိုင်တော့တဲ့အတွက်ကြောင့် ဆီးပိုက်ကိုတော့ အခုချိန်ထိထားရပါတယ်။ ဒီလိုနဲ့ပဲအိပ်ယာပေါ်မှာပဲ ပက်လက်နေနေရတဲ့ စကားမပြောနိုင်တဲ့ အဖွားကိုစိတ်မကောင်းယုံကလွဲလို့ ကျန်တာဘာမှမလုပ်ပေးနိုင်ပဲရှိခဲ့ပါတယ်။ ကျနော့်အဖွားမှာ မြေးဆရာဝန်၂ယောက်ရှိပါတယ်။ တစ်ယောက်က ကျနော်ကိုယ်တိုင်ဖြစ်ပြီး နောက်တစ်ယောက်က ကျနော့်ညီမတစ်ဝမ်းကွဲပါ။ အင်္ဂလိပ်ဆရာဝန်တွေဘာမှမတတ်နိုင်ဘဲ ထိုင်ကြည့်နေရတဲ့အချိန်မှာပဲ ဇာတ်လိုက်ဝင်လာပါတော့မတယ်။

စတာကတော့ ကျနော့်အမေကနေစပါတယ်။ ဘယ်သူလမ်းညွှန်လိုက်သလဲတော့မသိပါဘူး။ တစ်နေ့မှာကျနော့်ကိုတိုင်ပင်ပါတယ်။ ဗမာဆေးဆရာတစ်ယောက်ရှိကြောင်း အကြောပြင်အရမ်းကောင်းကြောင်း၊ လေဖြတ်တဲ့လူနာတွေကိုအရမ်းကောင်းအောင်လုပ်ပေးနိုင်ကြောင်း စတာတွေပြောပါတယ်။ လုံးဝမလှုပ်နိုင်တဲ့လူနာတောင်မှ အဲဒီဆရာကုလိုက်တာ စကားပြောနိုင်၊ လမ်းလျှောက်လာနိုင်တယ်လို့ပြောပါတယ်။ အဲဒါနဲ့ကျနော့်ခေါင်းထဲမှာ အတွေးတစ်ခုဝင်လာပါတယ်။ ကျနော့်အဖွားပာာ ပာိုအရင်တည်းက ရှေးအဖွားအိုတွေရဲ့ထုံးစံအတိုင်း ဗမာဆေးကိုပိုပြီးနှစ်သက်ပါတယ်။ အနှိပ်ခံရတာတွေ ဘာတွေကိုလည်း နှစ်သက်တတ်တော့ ဗမာဆေးဆရာ နှိပ်ရုံနဲ့တော့ဘာမှမဖြစ်လောက်ပါဘူးဆိုပြီး ကျနော်လည်း လက်ခံလိုက်ပါတယ်။ ကျနော့်စိတ်ထဲမှာထင်တာက ဗမာဆေးဆရာက နှိပ်ရုံသက်သက်ပဲလုပ်မယ်ထင်တာကိုးဗျာ။ ဒီထက်တော့ပိုမဆိုးနိုင်ပါဘူး ကောင်းလာတော့လည်းအမြတ်လို့ထင်မိလို့လက်ခံလိုက်တာပါ။ ထားပါတော့ အဲဒီမှာတင်ပဲ အိမ်ကလည်း မဆိုင်းမတွဘဲ ဗမာဆေးဆရာကိုပင့်ပြီး ကုပါလေရော။ ဆေးဆရာကစရောက်တာနဲ့ ကျနော့်အဖွားသောက်နေရတဲ့ အင်္ဂလိပ်ဆေးတွေ အကုန်လုံးကိုရပ်ခိုင်းပါတယ် (အဲဒီအကြောင်းကို ကျနော်ကလုံးဝမသိလိုက်ပါ) ကျနော့်အဖွားပာာ ဆီးချိုရောဂါနဲ့ သွေးတိုးရောဂါရှိပါတယ်။ အဲဒီအတွက် ပုံမှန်ဆေးသောက်ရပါတယ်။  အင်္ဂလိပ်ဆေးတွေရပ်ခိုင်းတဲ့အပြင် ဆေးရုံတင်လိုက်တာကို အပြစ်တင်ပါတော့တယ်။ ဆေးရုံမတင်ရင် အဲလောက်မဆိုးဘူးတဲ့။ ဆေးရုံတင်လိုက်လို့ အခုလောက်ဆိုးသွားတာလို့ ပြောပါတော့တယ် (အဲဒါတွေအကုန်လုံးလည်း ကျနော်နောက်ပိုင်းမှသိရပါတယ်။ စောစောစီးစီးသာသိရရင်တော့ နပန်းပွဲဖြစ်ရမယ်)။ နောက်ပြီး ဗမာဆေးဆရာကဘာကတိပေးလဲဆိုတော့ အိပ်ယာထဲမှာပက်လက်စကားမပြောနိုင်တဲ့လူနာက သင်္ကြန်မတိုင်ခင်လမ်းထလျှောက်ရမယ်ဆိုပါတယ် (ကုတာက March လောက်မှာပါ)။ အဲဒါကိုကျနော့်အမေပြန်ပြောပြတော့ ကျနော်တောင်အတော်လေးအထင်ကြီးသွားပါသေးတယ်။ စိတ်ထဲမှာထင်မိတာက ဒီဆရာတကယ်ကို ငါ့အဖွားလမ်းထလျှောက်အောင် ကုနိုင်ရင်တော့ ငါတို့ဆရာဝန်တွေခွက်ဆွဲဖို့ပဲရှိတော့တယ်လို့တောင်ထင်မိပါသေးတယ်။ စိတ်ထဲမှာတော့ မယုံတစ်ဝက် ယုံတစ်ဝက်နဲ့ပေါ့လေ။

လေဖြတ်တဲ့လူတစ်ယောက်မလှုပ်နိုင်ဘူး၊ စကားမပြောနိုင်ဘူးဆိုတာ လမ်းလျှောက်တဲ့ကြွက်သားတွေ၊ စကားပြောတဲ့ကြွက်သားတွေနဲ့ဘာမှကိုမဆိုင်တာပါ။ အဲဒီကြွက်သားတွေကိုထိန်းချုပ်ထားတဲ့ ဦးနှောက်ထိခိုက်သွားလို့ဖြစ်ရတာပါ။ အဲဒါကို အဲဒီကြွက်သားတွေအပြစ်ဆိုပြီး နှိပ်နေမှတော့ ဘယ်လိုကောင်းနိုင်တော့မှာလဲ။ ကျနော်ကိုက အယုံလွယ်မိတာပါ။ ရိုးရိုးလေးစဉ်းစားကြည့်ရင်တောင် သိနိုင်ပါတယ်။
အခုတော့ August ရှိသွားပါပြီ။ April မှာလမ်းထလျှောက်ရစေမယ်ဆိုတဲ့ ကျနော့်အဖွားကတော့ အိပ်ယာထဲမှာပဲ အရင်ကထက်တောင် အခြေအနေဆိုးလာပါသေးတယ်။ ဆရာအနှိပ်ကြမ်းလွန်းတာကြောင့် အထိတောင်မခံနိုင်တော့တဲ့အခြေအနေမှာ ကျနော့်အိမ်ကလက်လျော့လိုက်ပါတယ်။ အရင်က စကားပြောရင် အင်း ပာင့်အင်း ပြောနိုင်တဲ့အဖွားက ဆရာလည်းနှိပ်ပြီးသွားရော အင်းနဲ့ပာင့်အင်းတောင် မပီတော့တဲ့အခြေအနေကိုရောက်သွားပါတယ်။ အဲဒီထက်ဆိုးတာကတော့ ဗမာဆရာရဲ့စုပ်ချက်မိသွားတာပါ။ ကျနော်တကယ်ကိုမသိလိုက်မိပါ။ ဗမာဆရာ၊ အကြောပြင်ဆရာဆိုတော့ အကြောပြင်ရုံလောက်ပဲလုပ်မယ်ထင်ခဲ့မိပါတယ်။ ဒါပေမယ့် အဲဒီဆရာက အကြောနှိပ်ရုံတင်မက ခြေထောက်တွေကိုပါ စုပ်ပေါက်သွားတာကို လုံးဝမသိလိုက်မိပါ။ ဘယ်အချိန်မှာမှသိတာလဲဆိုတော့ Julyလလောက်မှာ အဖွားကအနာတွေဖြစ်နေတယ်ဆိုလို့ သွားကြည့်မိတော့မှ ခြေထောက်မှာပိုးဝင်ပြီး ပြည်တည်နာ၂ခုကိုတွေ့ရပါတယ်။ ဘယ်တစ်ခု ညာတစ်ခုပါ။ မေးကြည့်တော့မှ အဲဒီဒဏ်ရာတွေက စုပ်ပေါက်ထားတာကနေတဆင့်ဖြစ်တာမှန်းသိရပါတယ်။ ကျနော်အတော်လေးစိတ်ထိခိုက်ရပါတယ်။ ဒီအဖြစ်အပျက်အလုံးစုံပာာ ကျနော့်ပယောဂမကင်းပါ။ ကျနော်ကိုယ်တိုင်လည်း ဒီလိုမျိုးအပ်ကိုင်ပြီး စုပ်ပေါက်လိမ့်မယ်လို့ မထင်ရိုးပါ။ အဲဒါကြောင့် ပိုတော့မဆိုးနိုင်ပါဘူးဆိုပြီး လက်ခံခဲ့မိပါတယ်။ ကျနော်သိတဲ့အချိန်မှာအနာတွေကအတော်လေးကိုကြီးနေပါပြီ။ ဆီးချိုကလည်းရှိ သွေးစီးဆင်းမှုမကောင်းတော့တဲ့ လေဖြတ်ထားတဲ့ခြေထောက်မှာဖြစ်နေတဲ့အတွက် အတော်လေးကို ပြန်ကောင်းဖို့ခက်ခဲရပါတယ်။ အခုထိပိုးသတ်ဆေးတိုက်၊ အနာဆေးထည့်စတာတွေကို ကျနော်တို့မောင်နှမ၂ယောက်တလှည့်စီ လုပ်ပေးနေရပါတယ်။

ကျနော်တို့မိသားစုတွေပာာ ပညာအဆင့်အတန်းအလယ်အလတ်အဆင့်မှာရှိကြပါတယ်။ ဒါ့အပြင် ဆရာဝန်၂ယောက်ပါပါတယ်။ ဒါတောင်မှ ကျနော်တို့ဒီလူရဲ့အလိမ်ခံလိုက်ရပါသေးတယ်။ အဲဒီမှာတင်ပဲ တောရွာတွေ၊ ဆင်ခြေဖုံးတွေမှာ ဒီလိုလူတွေလွှမ်းမိုးနေတာကို ကျနော်တကယ်ကိုမအံ့သြမိတော့ပါ။
အဲဒီလူနဲ့ကြုံပြီးမှပဲ ကျနော့်ရဲ့ဗမာဆေးဆရာတွေအပေါ်မှာအမြင်ပာာ အတော်ကြီးကိုပြောင်းလဲသွားပါတယ်။ ကျနော်ကိုယ်တိုင်တောင် သူတို့ရဲ့စကားကြီးစကားကျယ်တွေကို ယုံမိတော့မယ့် အခြေအနေရောက်ခဲ့တာဆိုတော့ ဆေးပညာဗပာုသုတမရှိတဲ့သူတွေအဖို့တော့ ဒီလိုလူတွေကိုယုံကြည်မိတာ အံ့သြစရာတော့မရှိပါဘူးလေ။ သူဒီတစ်ယောက်မှမပာုတ်ပါဘူး။ တွေ့မိသလောက်တော့ ဗမာဆေးဆရာဝန်တွေပာာ သူတို့နဲ့တွေ့ရင် ရောဂါမှန်သမျှအကုန်ပျောက်ရမယ်ဆိုပြီး အမြဲတမ်းပြောပါတယ်။ သိကြားမင်းနဲ့တွေ့ရတဲ့အတိုင်း မစားရ၀ခမန်းနဲ့ မဖြစ်နိုင်တဲ့ကတိတွေပေးပါတယ်။ သူတို့ကလွဲရင် ကျန်တာအကောင်းမရှိ၊ အင်္ဂလိပ်ဆေးဆိုတာ အလကားဆိုတဲ့စကားတွေပြောပါတယ်။ ကုသတဲ့နေရာမှာလည်း ပိုးသတ်ထားတာမျိုးမရှိတဲ့ စုပ်ပေါက်တာမျိုးတွေကိုပါလုပ်ပါတယ်။ ဒါပေမယ့် ကျနော်အခုထိလုံးဝသတိမထားမိတာက သူတို့လုပ်ချင်ရာလုပ်နေပေမယ့်လည်း လူနာတွေဘက်ကလူနာသေလို့ ဗမာဆေးဆရာကိုတရားစွဲတယ်ဆိုတာမျိုး လုံးဝ (လုံးဝ) မကြားဖူးပါ။ အကြောင်းရင်းကတော့ ရောဂါအရမ်းကျွမ်းပြီ သေခါနီးပြီဆိုရင် အစိုးရဆေးရုံတွေကို တက်ခိုင်းပါတော့တယ်။ အဲဒီတော့ သေရင်တောင် သူတို့လက်ချက်မပါဘူးပြောလို့ရပြီပေါ့။ ဗမာဆရာနဲ့ကုနေတာအကောင်း ဆေးရုံတက်လိုက်တော့မှပဲသေတော့မယ်ဖြစ်ကုန်ရော။

ကိုယ့်တိုင်းရင်းဆေးကို အထင်ကြီးတာရော၊ သူတို့ရဲ့စကားကြီးစကားကျယ်မိတာရောကြောင့် တောရောမြို့ပါ လူနေထုပာာ ဗမာဆရာတွေရဲ့လွှမ်းမိုးမှုကို ခံရပါတယ်။ ကျနော်တိုင်းရင်းဆေးကို လုံးဝအထင်မသေးပါ။ အစွမ်းထက်သော ဆေးစွမ်းကောင်းတွေရှိတယ်ဆိုတာကိုလက်ခံပါတယ်။ ကျနော်မယုံတာကတော့ မတတ်ဘဲနဲ့တတ်သယောက် စကားကြီးစကားကျယ်ပြောတတ်တဲ့ ဗမာဆရာတွေကိုမယုံတော့ပါ။ ဆရာဝန်တစ်ယောက်က အတုအယောက်ဗမာဆရာရဲ့ နောက်ကောက်ချခြင်းကိုခံလိုက်ရတာကို ပထမတော့ ရှက်မိတာနဲ့မပြောတော့ဘူးလို့ စိတ်ကူးမိပါသေးတယ်။ ဒါပေမယ့်လည်း ကိုယ့်လိုမျိုးတခြားသူတွေခံစားရမှာဆိုးတဲ့အတွက် ကိုယ့်ပေါင်ကိုယ်လှန်ထောင်းပြလိုက်ပါတယ်။ မိုးလောက်ကြီးတဲ့စကားတွေပြောတတ်တဲ့၊ ရောဂါမှန်သမျှ ယူပစ်လိုက်သလိုပဲဆိုတဲ့ ဗမာဆရာတွေကို ချင့်ချိန်ပြီးတော့သာ ယုံကြပါခင်ဗျာ။


ဆေးပညာ blog