ရခိုင်တိုင်းရင်းသားများတိုးတက်ရေးပါတီ(RNDP) အထွေထွေအတွင်းရေးမှူး ဦးဦးလှစောနှင့် အင်တာဗျူး

ဂျန္န၀ါရီလ ၂၉ ရက်နိ့က မြန်မာနိုင်ငံဆိုင်ရာ အမေရိကန် သံအမတ်ကြီး Derek Mitchell က ရခိုင်ခေါင်းဆောင်တချို့အား ရန်ကုန်မြို့ အမေရိကန်သံရုံးကို ဖိတ်ခေါ်ပြီးကေ တွိ့ဆုံဆွေးနွေးခရေကိစ္စနန့်  ပတ်သက်လို့ ရခိုင်တိုင်းရင်းသားများတိုးတက်ရေးပါတီ
အထွေထွေအတွင်းရေးမှူး ဦးဦးလှစောကို ဒီဗွီဘီ ရခိုင်အစီအစိုင် ၀ိုင်းတော်သား ကိုထိန်အောင်လင်းက ဆက်သွယ်မိန်းမြန်းထားရေ အစီအစိုင်ကို လေးဝတီက ကောက်နုတ်ဖော်ပြခြင်း ဖြစ်ပါသည်။
ကိုထိန်အောင်လင်း။ ။ဂျန္န၀ါရီလ ၂၉ ရက်နိ့က မြန်မာနိုင်ငံဆိုင်ရာ အမေရိကန် သံအမတ်ကြီး Derek Mitchell က ရခိုင်ခေါင်းဆောင်တိကို ရန်ကုန်မြို့ အမေရိကန်သံရုံးကို ဖိတ်ခေါ်ပြီးကေ တွိ့ဆုံဆွေးနွေးခရေလို့ ကြားရပါရေ။ ဆရာရို့ကို အဓိက ခေါ်ယူတွိ့ဆုံရရေ အကြောင်းရင်းက ဇာပါလေ ဆရာ။
ဆရာ ဦးဦးလှစော။  ။အကြောင်းရင်းက ဘင်္ဂလီမူဆလင်တိကိစ္စပါဗျာလ်။ ယင်း ဂျန္န၀ါရီလ ၂၈ ရက်နိ့က မောင်တောဖက်မှာ ဘင်္ဂလီမူဆလင်တိက နိန်ပြီးကေ ရန်စလို့ အာဏာပိုင်တိနန့် ထိပ်တိုက်တိုးရေကိစ္စတိ ဖြစ်ခရေ။ ယင်းဟင့်တိနန့် ပတ်သက်လို့ သူရို့က တတိယတကျော့ ဖြစ်နိုင်ခြေဟိလာ။ ဘင်္ဂလီတိနန့် ရခိုင်ကွန်မြူနတီနှစ်ခုကြားမှာ ဆက်ဆံရေးဇာပိုင်ဟိလေဆိုစော်ကို မိန်းမြန်းစော်ပါရာ။ နောက် ဘင်္ဂလီတိနန့် ရခိုင်သားတိကြားမှာ ခွဲထားရေ Discrimination ကိစ္စတိ၊ အတူတကွနီထိုင်ရေးကိစ္စတိကို မိန်းမြန်းစော်ပါ။ အကြောင်းအရာတိကတော့ အထွေအထူးမဟုတ်ပါ။ ကျွန်တော်ရို့ ပြောစော်လေး အက်ကြောင်းထပ်နီပါဗျာလ်။ အဓိက ၂၈ ရက်နိ့ ဖြစ်လားခရေကိစ္စကို စိုးရိမ်ပနာ ခေါ်စော်ပါ။ ကျွန်တော်ထင်ပါရေ ယင်းဘင်္ဂလီကုလားတိက အယင် သံရုံးကိုလားတွိ့ထားပုံရပါရေ။ ယင်းပြီးမှ သူရို့တိက ကျွန်တော်ရို့ကို ခေါ်ပါရေ။ ကျွန်တော်ရို့နန့်တွိ့ခါ ကျွန်တော်ရို့ သဘောထားတိကို မိန်းမြန်းပါရေ။ ယင်းကိစ္စပါရာ။
ကိုထိန်အောင်လင်း။ ။အဂု လွန်ခရေ ဂျန္န၀ါရီလ ၂၅ ရက်နိ့ကပါလေ ရခိုင်ပြည် နယ်စပ် မောင်တောမြို့နယ် ဗန္ဓုလနစက နယ်မြေ အမှတ် ၁ နန့် အမှတ် ၂ အနား နယ်စပ်မိုင်တိုင်အမှတ် ၄၉ နန့် အမှတ် ၅၀ ကြားမှာ နယ်စပ်ခြံစီးရိုးကာနိန်ရေ GE တပ်က ဆောက်လုပ်ရေး တပ်သားတိကို ၀င်ရောက်တိုက်ခိုက်ခရေကိစ္စ၊ နောက် GE တပ်ပိုင် ကားတစီးကိုလည်း မီးတိုက်ခရေကိစ္စ၊ ယင်းနိ့မှာဘင် မောင်တောမြို့နယ် ပန်းတောပြင်အုပ်စု ဘဂုန်းနားကျေးရွာနားက ရယကရုံးတရုံးကို ၀င်ရောက်မီးတိုက်ခပါရေ။ နောက် ဂျန္န၀ါရီလ ၂၈ ရက်မှာတခါ အစိုးရပိုင် စစ်တပ်အဆောက်အအုံးတစ်ခုကို မီးတိုက်ခရေကိစ္စကိုပါဝါ ဆရာရို့ကို သူရို့က ဆွေးနွေးမိန်းမြန်းခစော်တိ ဟိပါလာ သို့တည်းမဟုတ် ယင်းကိစ္စတိ အပေါ်မှာပါဝါ ဆရာရို့ အနီနန့် ဇာပိုင်သုံးသပ်ပါလေ။
ဆရာ ဦးဦးလှစော။  ။ကျွန်တော်ရို့ကပါလေ ပြောလိုက်ပါရေ။ ရခိုင်လူအဖွဲ့အစည်းရေ သူရို့ကြောင့် ကောင်းနစ်နာပါရေ။ ကျွန်တော်ရို့ စိတ်ဆင်းရဲလည်း ဖြစ်ရရေ။ စီးပွားရေးလည်း အလွန်တရာ ကျဆင်းလားရေ။ သူရို့က အမြဲတမ်းပါလေ ရန်စနိန်ရေ အမြဲတမ်း ပြဿနာကို ဖန်တီးနီရေ။ အင်္ဂလိပ်မှာဆိုကေ Harassment (အနှောင့်အချက်ပီးခြင်း) လုပ်တေ Propagation (၀ါဒဖြန့်ချီရေးလုပ်ခြင်း) လုပ်တေ ပြဿနာမဖြစ်ကေဖြစ်အောင် ဆွနီကတ်တေ။ ကျွန်တော်ရို့က အမှန်တကယ် ငြိမ်းချမ်းရေးကို လိုလားရေ။ ကျွန်တော်ရို့က အေချင့်တိကို မဖြစ်ချင်။ တဖက်မှာ သက်ဆိုင်ရာပြည်နယ်အစိုးရရေ အလွန်တရာကိုင်တွယ်ပုံတိက ညံ့ဖျင်းပါရေလို့ ကျွန်တော်ရို့ ပြောလိုက်ပါရေ။ အေချင့်ရေ တရားဥပဒေစိုးမိုးမူကို အဓိက ကိုင်တွယ်ရဖို့စော်က ပြည်နယ်အစိုးရပါ။ ကျွန်တော်ရို့သည် အာဏာရပါတီလည်းမဟုတ်ပါ အေချင့်ကို အဆုံးအဖြတ်ပီးနိုင်ဖို့ မဟုတ် သို့သော် ကျွန်တော်ရို့ အိုင်ဒီယာတိရေ ပြည်နယ်အစိုးရဘားမှာ ဘေးဖယ်ခံထားရပိုင် ပြည်နယ်အစိုးရရေ ကိုင်တွယ်ပုံ ညံ့ဖျင်းရေလို့ ပြောလိုက်ပါရေ။ နောက်တချက်က သမ္မတဦးသိန်းစိန်ရေ UNHCR က ကုလသမဂ္ဂဒုက္ခသည်များဆိုင်ရာ မဟာမင်းကြီး Mr. Antonio Guterres တွိ့ရေခါ ရိုဟင်ဂျာကို အသိအမှတ်မပြု ခိုးဝင်လာရေ ဘင်္ဂလီကုလားတိကို ၁၉၈၂ ဥပဒေအရ ဆန်းစစ်ဖို့ တကယ်လို့ ဥပဒေအရ ဘောင်ဝင်ရေဆိုကေ နိုင်ငံသားဖြစ်ဖို့ ဘောင်မ၀င်ဆိုကေ စခန်းသွင်း UNHCR က စောင့်ရှောက် တကယ်လို့ တတိယနိုင်ငံတိက ခေါ်ဖို့လူဟိကေ ခေါ်လီကတ် ယင်းဟင့်ကို ယေဘုယျအားဖြင့် ကျွန်တော်ရို့လက်ခံရေ။ အမှန်တကယ် လက်တွိ့ အကောင်အထည်ဖော်ခါ တစ်ခုလေ့ တိတိကျကျ ရေရေရာရာမဖြစ်ပါ ယင်းဟင့်ကိုလည်း ကျွန်တော်ရို့ ပြောပြလိုက်တေ။ အမှန်တကယ် ကြားမှာ ခံနီရစော်က ရခိုင်သားတိပါရာ။ သူရို့ကတော့ခါ ဒေါ်လာ ၄.၂ သန်းကို ကုလားတိအတွက်ပါ ရခိုင်သားတိအတွက်ပါ ကူညီဖို့ မျှမျှတတလုပ်ဖို့ ယင်းချင့်တိကို ပြောပါရေ။ သူရို့ဘားက အိုင်ဒီယာအသစ်တိကား မထွက်ပါ။ ပြောပြီးသားအကြောင်းအရာတိကို ထပ်ခါတလဲလဲပြောကတ်စော်ပါရာ။
ကိုထိန်အောင်လင်း။ ။အဂု မောင်တောမြို့မှာ ဖြစ်လားခရေကိစ္စရေ နောက်ထပ် အယင်ပိုင်ဆူပူမှုတိ ထပ်လို့ ပဋိပက္ခ တင်းမာမှုတိ ဟိနိုင်ရေ အခြီအနီတိဟိပါလား ဆရာရို့အနီနန့် ဇာပိုင်သုံးသပ်ပါလေ။
ဆရာ ဦးဦးလှစော။  ။ကျွန်တော်ရို့ ရခိုင်သားတိဖက်ကတော့ခါ ပဋိပက္ခတိကို နောက်ထပ် လုံးဝမဖြစ်စီချင်ပါ သို့သော် သူရို့က ထပ်ခါတလဲလဲ ဆွနီပါရေ။ ကျွန်တော် မြောက်ဦးအတွိ့အကြုံကိုလည်း ပြောပြလိုက်ပါရေ။ မြောက်ဦးမှာ အေပိုင် ရခိုင်သားတိလုပ်ကိုင်နီရေ ကွမ်းခင်းတိ ယာခင်းတိကို ကုလားရွာတရွာက လားလို့ဖျက်စီးနီစော်တိ ဟိရေ။ ယင်းကုလားရွာရေ စစ်တပ်နန့် အလွန်တရာနီရေ ရွာဖြစ်တေ ယင်းဟင့်ကို တရားဥပဒေစိုးမိုးမူနန့် အပြတ်ကိုင်ပလိုက်ကေ ကျီစော်ပါရာ။ နောက်ဆုံး အေဒဏ်ကို အသူခံရလေ မြေက်ဦးမြို့မှာ ညမထွက်ရ အမိန့်ထုတ်ထားရေ မြောက်ဦးမြို့ကို နိုင်ငံခြားသားခရီးသည်တိ လာလို့မရ မြောက်ဦးမြို့မှာ ခရီးသွားလုပ်ငန်းတိ ရပ်တန့်လားပါရေ ယကေအသူနစ်နာလေ ရခိုင်သားအကျိုးစီးပွားရေး လုံးဝချွတ်ခြုံကျလားရေ ကုလားတိက စားနီရရေ။ အစိုးရက တရားဥပဒေနန့် ငြိမ်းငြိမ်းချမ်းချမ်းဖြစ်အောင် မလုပ်နိုင်။ ရခိုင်သားတိမှာ စီပွားရေးကျရေ မြို့ရွာတိမှာ ည အပြင်တိကို မထွက်နိုင် နောက်ဆုံးမှာ ရခိုင်သားတိဘားမှာကျီးယာ ဘင်းကျီကျစော်ဗျာလ်။ အေချင့်က အစိုးရမှာလည်း တာဝန်ဟိရေ ကုလားတိမှာလည်း တာဝန်ဟိရေ ကုလားတိမှာ အပြင်က တစ်ကောင်နှစ်ကောင် မြောက်ပီးရေ ပြဿနာ မဖြစ်ဖြစ်အောင် ရန်စနီရေ အစိုးရကလည်း တိတိကျကျ ကိုင်တွယ်မူမဟိ ကြားမှာ ခံရစော်က အသူရို့ခံရလေ ကျွန်တော်ရို့ ရခိုင်သားတိပါ ယင်းဟင့်ကိုလည်း ကျွန်တော် ထည့်ပြောလိုက်ပါရေ။
ကိုထိန်အောင်လင်း။ ။ဟုတ်ပါရေ ဆရာ နောက်ထပ်ဖြည့်စွက်လို့ပါလေ ဂျန္န၀ါရီလ ၃၀ ရက်နိ့ကလည်း ဗြိတိန်သံအမတ်က တိုင်းရင်းသားခေါင်းဆောင်တိနန့် တွိ့ဆုံခရေလို့ ကြားပါရေ။ ယင်းအထဲမှာ ရိုဟင်ဂျာနာမေနန့် ဘင်္ဂလီခေါင်းဆောင်တိကိုပါ ခေါ်ယူတွိ့ဆုံခရေကိစ္စနန့် ပတ်သက်လို့ပါလေ ဆရာရို့ သဘောထားအမြင်ကို ဖြည့်စွက် ပြောပြပီးစီချင်ပါရေ။
ဆရာ ဦးဦးလှစော။  ။ဟုတ်ပါရေ ကျွန်တော်ရို့ကိုက ရခိုင်ပြည်အခြီအနီကိုတင်ပြရေ ရခိုင်ဒီမိုကရေစီအဖွဲ့ချုပ်က ဦးအေးသားအောင်လည်း တင်ပြရေ တခြားတိုင်းရင်းသားခေါင်းဆောင်တိလည်း ကချင်ဆိုကေလည်း ကချင်ပြည်တွင်းစစ်အကြောင်းကို တင်ပြရေ National Democratic Party for Development (NDPD) ပါတီက ရိုဟင်ဂျာလို့ ပြည်တွင်းမှာ ပြောနီရေပါတီကိုလည်း ဖိတ်ထားပါရေ။ ဗြိတိသျှသံအမတ်က ဦးဆောင်ပြီးကေ သြစတျေးယျ Aid ကူညီရေးအဖွဲ့က၂ ယောက်ပါ။ သူရို့က ကျွန်တော်ရို့နန့်လည်း သိဂတ်ပါရေ။ တိုင်းရင်းသားတိနန့် ဆွေးနွေးဖို့ဆိုလို့ဟိကေ NDPD ကစီပါရေ သူရို့တိပါစော်ကိုလည်း ကျွန်တော်ရို့ ကြိုလို့မသိရ လားခါမှစီ သိရရေ။ တခြားတိုင်းရင်းသားအဖွဲ့တိက တန်းတူခွင့် ကိုယ်ပိုင်ပြဌာန်းခွင့် ဖဒရယ်ပြည်ထောင်စုကိစ္စ မြန်မာနိုင်ငံ ပြည်တွင်း ငြိမ်းချမ်းရေးကိစ္စ ဖဒရယ်ဒီမိုကရေစီ ကျင့်သုံးရဖို့ကိစ္စတိကို ပြောရေ။ NDPD က ပုဂ္ဂိုလ်တိတော့ခါ သူရို့ ကုလားတိ လူ့အခွင့်အရေးချိုးဖေါက်ခံနီရကြောင်း၊ ယင်းချင့်ကိုဘဲ လူ့အခွင့်အရေး လူ့အခွင့်အရေးလို့ ပြောနီပါရေ။ ကျွန်တော်ရို့ တိုင်းရင်းသားတိနန့် လခွဲထွက်နီရေ သို့သော် ဗြိတိသျှအစိုးရနန့် အမေရိကန်အစိုးရက သူရို့ Favor (မျှက်နှာသာပီးခြင်း) ပီးရေ ကျွန်တော်ရို့တိုင်းရင်းသားတိနန့် တန်းတူထားနီစော်ကိုတော့ တွိ့နီရပါရေ။
ကိုထိန်အောင်လင်း။ ။ဆရာအနီနန့်ပါလေ အဂုပိုင် အမေရိကန်သံအမတ် ဗြိတိန်သံအမတ် နိုင်ငံတကာကသံတမန်တိနန့် တွိ့ဆုံရေခါ ကိုယ့်ရို့ရခိုင်အမျိုးသားရေးကိစ္စတိနန့်သော်လည်းကောင်း၊ အဂုလက်ဟိ ဖြစ်နီရေ ဘင်္ဂလီတိကိစ္စနန့် ပတ်သက်လို့သော်လည်းကောင်း နောက်ဆုံးထပ်လို့ ဖြည့်စွက်ပြောချင်စော်တိ ဟိကေ ပြောပြပီးစီချင်ပါရေ။
ဆရာ ဦးဦးလှစော။  ။ကျွန်တော်ရို့ကတော့ခါပါလေ ယင်းကိစ္စတိနန့် ပတ်သက်လို့ နိုင်ငံတကာ သံတမန်တိကိုပါလေ ကျွန်တော် ပြောသင့်စော်တိကိုလည်း ပွင့်ပွင့်လင်းလင်း ပြောထားပါဗျာလ်။ သူရို့တိ မသိစော်လည်း မဟုတ်ပါ သို့သော် သူရို့မှာလည်း ဇာပိုင်အနီအထားလည်းတော့ မသိပါ။ ကျွန်တော်ရို့ အမေရိကန်သံရုံကို ပြောင်မိန်းထားပါဗျာလ် ရိုဟင်ဂျာကို ethnic အဖြစ် အသိအမှတ်ပြုလား လက်ခံလားမိန်းကေ ကျွန်တော်ရို့ ရှီမှာ အသိအမှတ် မပြုလို့ ပြောရေ။ သို့သော် သူရို့က ယင်းအဖွဲ့အစည်းတိနန့် မကင်းရာ မကင်းကြောင်းတိက အများကြီးပါ။ ကျွန်တော်ရို့က အာဏာရပါတီလည်းမဟုတ်ဆိုခါ အေချင့်ကို ကျွန်တော်ရို့မှာ ပြောရဆိုရ ကောင်းကန့်သတ်မူ အများကြီးရှိပါရေ။ လောလောဆယ် ဗြိတိသျှသံရုံးနန့် အမေရိကန်သံရုံးက သဘောထားတိကိုတော့ခါ ကျေနပ်စရာမဟိပါ။ သူရို့က ကျွန်တော်ရို့ ရှမ်း၊ ကချင်၊ ကယားတိနန့် ဘင်္ဂလီရိုဟင်ဂျာတိကို ethnic ပိုင် တန်းတူထားပနာ ဆက်ဆံနီရေမူကိုတော့ခါ မလျော့ပါသိမ့်။ အေသံရုံးတိကတော့ခါ အစိုးရကို မလိမ့်တပတ်လုပ်နီစော်ပါရာ ကျွန်တော့် အမြင်ပါ။ သံရုံးတိရေ အေသံတမန်လောက အသိုင်းအ၀ိုင်းသည် ယင်းဘင်္ဂလီရိုဟင်ဂျာတိနန့် အကျိုးစီးပွားအချိတ်အဆက်တိ နက်နက်ချိုင်းချိုင်း ဟိလီဖို့ ကျွန်တော်ထင်ရေ။ မဟုတ်ကေ သူရို့ကို အေလောက်ထိ အကာအကွယ်ပီးနီစရာမလိုပါ။ အစိုးရကလေ့ သူရို့တိကို တိုင်းရင်းမဟုတ်လို့ ပြောပြီးသား လက်ဟိအစိုးရကလေ့ သံတမန်ဘောင်ထဲက အေလူတိကို တိုင်းရင်းသားပိုင် ဆက်ဆံနီရေ ပြောနီကတ်တေ။ ကျွန်တော်ရို့ကလည်း မဟုတ်လို့ ပြောနီရေ။ အေချင့်ရေ သူရို့က သံတမန်နည်းပရိယာယ်မှာ အလွန်တရာ ပုံစံတမျိုးနန့် လုပ်နီစော်ပါ။ ယင်းချင့်ကတော့ခါ အတွင်းထဲမှာ ဘင်္ဂလီရိုဟင်ဂျာတိနန့် အိမ်ဖြူတော် ဘဇောင်အဆက်အစပ်ဟိလေ ဗြိတိသျှပါလီမန်နန့် ဇာပိုင်အဆက်အစပ်ဟိလေ ကျွန်တော်ရို့ အသေးစိတ်တော့မသိ။ သို့သော် သူရို့တိကို အလွန်တရာ Favor ပီးနီစော်ကတော့ကေ အမှန်ပါ။ အေချင့်ရေ အေချင့်ထက် ရှုပ်ထွီးလာပါဖို့။ အစိုးရကလေ့ တစ်ခုလေ့ မပြော မသိလား သိသိယင့်သော့နန့် မသိဂန်ဆောင်နီစော်လာ။ အစိုးကလေ့ တမျိုး ဘင်္ဂလီတိက တမျိုး ကြားထဲမှာ ရခိုင်သားတိက ညှပ်နီစော်ပါရာ။
ကိုထိန်အောင်လင်း။ ။ဆရာ အဂုပိုင် ဒီဗွီဘီရခိုင်အစီအစိုင်က ဆက်သွယ်မိန်းမြန်းချက်ကို စိတ်ရှည်လက်ရှည် ဖြေကြားပီးရေအတွက် ကျေးဇူးတင်ဟိပါရေ။
ဆရာဦးဦးလှစော။   ။ ကျွန်တော်လေ့ ပြောခွင့်ရရေအတွက်ကြောင့် ကျေးဇူးတင်ပါရေ။

လေးဝတီ