စစ်တွေလူထု ဆန္ဒပြ တောင်းဆိုပွဲ ထပ်မံ ပေါ်ပေါက်

ဘင်္ဂလာဒေ့ခ်ျနိုင်ငံတွင် အကြမ်းဖက် တိုက်ခိုက်ခံရသော ဗုဒ္ဓဘာသာဝင်များအရေးကို ဘင်္ဂလာ အစိုးရမှ ထိရောက်စွာ ကိုင်တွယ်ဖြေရှင်းပေးရန်နှင့် OIC မြန်မာနိုင်ငံသို့ ၀င်ရောက်မည့် ကိစ္စအား ကန့်ကွက် ဆန္ဒပြပွဲတခုကို ယနေ့တွင်လည်း ရခိုင်လူထုက စစ်တွေမြို့တွင် ပြုလုပ်ခဲ့ကြသည်။

အဆိုပါ ငြိမ်းချမ်းစွာ ဆန္ဒပြပွဲကို ယနေ့ (အောက်တိုဘာ ၁၂) နေ့ နေ့လည် ၂နာရီခန့်တွင် စစ်တွေမြို့ရှိ ဘင်္ဂလာ ကောင်စစ်ဝန်ရုံးရှေ့တွင် ရခိုင်၊ မာရမာကြီးနှင့် ဟိန္ဒိ အမျိုးသားများက  စုဝေးပြီး ပြုလုပ်ခဲ့ကြသည်။

ဦးဆောင်သူ တဦးဖြစ်သူ ကိုကျော်ဇောဦးက ယခုလို ပြောသည်။
“ ကျနော်တို့ ဘင်္ဂလာ ကောင်စစ်ဝန်ရုံးရှေ့မှာ လူစုပြီးတော့ အဲဒီကပဲ ဆန္ဒပြပွဲကို စတင်ခဲ့ကြပါတယ်။ အခုကျနော်တို့ လူစု ခွဲနေကြပါပြီ။ ကျနော်တို့ အခု ဘီလူးမ တံတားနားမှာ ရောက်နေကြပါပြီ (မြန်မာ စံတော်ချိန် ၃နာရီခွဲ)။ အခုပဲ အောင်အောင်မြင်မြင်နဲ့ လူစု ခွဲလိုက်ကြတာပါ” ဟု ဆိုသည်။
ဆန္ဒပြပွဲတွင် တောင်းဆိုကြသည့် အချက်များကိုလည်း ကိုကျော်ဇောဦးက ယခုကဲ့သို့ ဆက်လက်ပြောကြား သည်။
“ ဟုတ်ကဲ့။ ကျနော်တို့ အဲဒီ ကောင်စစ်ဝန်ရုံးရှေ့မှာပဲ တောင်းဆိုစာ တစောင်ကို ပေးပါတယ်။ သူတို့ဆီက တယောက်မှ ဆင်းပြီးတော့ လက်မခံပါဘူး။ အဲဒီနားက လုံခြုံရေးတွေက သူတို့ကိုပေးခဲ့ဆိုပြီးတော့ ပြောပါတယ်။ ကျနော်တို့က ဒါကို လက်မခံပါဘူး။ ဒါကြောင့် မပေးခဲ့ဖြစ်ပါ။ တောင်းဆိုတာကတော့ ဘင်္ဂလားမှာ အကြမ်းဖက်ခံရတဲ့ ဂျူးမား၊ ဘရူမားလို့ခေါ်တဲ့ ဗုဒ္ဓဘာသာ လူမျိုးတွေကို တခြား ဗုဒ္ဓဘာသာဝင် တွေကို ဘင်္ဂလာအစိုးရက အကာအကွယ်ပေးဖို့၊ အပြစ်ရှိသူတွေကို အမြန်ဆုံး ဖော်ထုန် အရေးယူပေးဖို့၊ ပျက်စီး ဆုံးရှုံးမှုတွေကို အမြန်ဆုံး အကောင်အထည်ဖော်ပေးဖို့၊ ပြီးတော့ OIC မြန်မာနိုင်ငံနဲ့ ရခိုင်ပြည်နယ်မှာ အခြေစိုက် ရုံးဖွင့်မယ်ဆိုတာကို လုံးဝ အလိုမရှိစတဲ့ အချက်တွေအပေါ်မှာ အခြေခံပြီး လုပ်ရတာ ဖြစ်ပါတယ်။”
ငြိမ်းချမ်းစွာ လမ်းလျှောက် ဆန္ဒပြတောင်းဆိုပွဲတွင် ရခိုင်ကျောင်းသားသမဂ္ဂ၊ ရခိုင်လူငယ်များကွန်ရက်၊ မရာမာကြီး အသင်း၊ ဟိန္ဒူ အသင်းနှင့် စစ်တွေ အခြေစိုက် အခြားရခိုင်လူမှုရေးအသင်းအဖွဲ့များမှ တက်ကြွလှုပ်ရှားသူ စုစုပေါင်း ၅၀၀၀ ခန့် ပူးပေါင်းပါဝင်ခဲ့ကြကြောင်း သိရသည်။

အကြမ်းဖက်မှုနှင့် ပတ်သက်၍ ဓာတ်ပုံများ၊ ပိုစတာများ အသီးသီး ကိုင်ဆောင်ကာ တောင်းဆိုခဲ့ကြပြီး မရမာကြီးလူမျိုးများကလည်း “ ဂျူမား၊ မရမာကြီး….သင်တို့နှင့်အတူ ကျွန်ုပ်တို့ ရှိပါသည်” ဟု ရေးသား ထားသည့် ပိုစတာများကို ကိုင်ဆောင်ခဲ့ကြသည်။
ယခုအခါတွင် OIC မြန်မာဝင်ရောက်မည့်ကိစ္စနှင့် ပက်သတ်၍ ကန့်ကွက် ဆန္ဒဖော်ထုတ်ပွဲများမှာ ရန်ကုန်၊ မန္တလေးအပါအ၀င် နယ်မြို့များတွင်လည်း ပိုမို တောင်းဆို ပြုလုပ်လျှက်ရှိကြသည်။
“ OIC ကို ကျနော်တို့ ကန့်ကွက်ရတာက (၁) အချက် ၂၀၁၁ ခုနှစ်မှာ ရိုဟင်ဂျာ နာမည်ခံ အဖွဲ့အစည်းပေါင်း  ၂၅ဖွဲ့ကို Arakan Rohinjya Union ဆိုပြီးတော့ ကမကထ လုပ်ပြီးတော့ ဖွဲ့ပေးပါတယ်။ အဲဒီ အထဲမှာ လက်နက်ကိုင်အဖွဲ့တွေလည်း ပါတယ်။ ဒါဟာ အကြမ်းဖက်သမားကို တစိတ်တပိုင်း အားပေးတဲ့ သဘောပါပဲ။ နောက် တချက်က နိုင်ငံတကာက အကြမ်းသမား definition  ကို OIC က လက်မခံဘူး။ နိုင်ငံတကာက သတ်မှတ်ထားတဲ့ အကြမ်းဖက်သမား အဓိပ္ပါယ် ဖွင့်ဆိုချက် (definition)နဲ့ OIC က သတ်မှတ်ထားတဲ့ (definition) ဖွင့်ဆိုချက်က မတူဘူး။ ပြီးတော့ ကျနော်တို့က OIC ကို Islamization  ရဲ့ အေးဂျင့်လို့ မြင်တယ်။ ဒါကြောင့် လက်ခံနိုင်စရာ လုံးဝ မရှိပါ”  ဟု ကိုကျော်ဇောဦးက သုံးသပ်ပြောဆိုသည်။
လူမှုကွန်ယက်တခုဖြစ်သည့် Facebook တွင်လည်း မြန်မာပြည်သူ ပြည်သားများက OIC အား ကန့်ကွက်သည့် အနေဖြင့် မိမိကိုယ်ပိုင်အကောင့်ဓာတ်ပုံများတွင် OIC ကန့်ကွက်သည့် အမှတ်အသား ဓာတ်ပုံများ တင်ကာ ဆန့်ကျင် ကန့်ကွက်လျှက်ရှိကြသည်။

narinjara