ငါ့မြီ ငါ့ရီ ငါ့အသျှင်အတွက် နှမ်းတစိလေး အကျူးကျော် မခံ

ရိုးတွင်းခြင်ဆီကို ထိုးဖေါက်ဝင်လားရေလို့ ထင်လောက်တေ ဒီဇင်ဘာ ဆောင်း ချမ်းအားပိုကေလေး ပျို့အောင် တစ်ယောက် ဂရုမစိုက်နိုင် ကျစ်ကျစ်ပါအောင် ဆုပ်ကိုင်ထားရေ ဓါးက ကျိုင်စစက်နန့် အတို့ခံရရေပိုင် ရီခဲတုန်းလောက် အီးရေ သက်တော်စောင့်ဓါးကို ကြိုးကြာတောင်ပန်
လက်ပြန်ကိုင်ထားလိုက်တေ ရမ်းဗြဲထွက်ရက်ပုဆိုးကို ဂေါင်းနန့် နားရွက်လုံအောင် ဆွဲဖုန်းလိုက်တေ အချိန်က သိုင်ခေါင်ကျော် ညဉ့် ဗဟိုလ်တချက်တီးကျော်ဗျာယ် နန်းတွင်းက ဆက်သား ငခယင်(ငခြီယင်) မရောက်နိုင်သိမ့် ပျို့အောင် တာဝန်ကျရေ ရိုးမတောင်ထိပ်ကို ရန်သူငဝိုင်းတပ်သားတိ အာရုံတက်ကို တက်လာဖို့ သတင်းလေး ရထားရေဆိုခါ စိတ်က တစိလေး မအီး ကွမ်းတယာညက်လောက်မှာ တောကြက်တွန်သံတခု ပျို့ အောင် မျက်နှာမှာ အပြုံ့ တချက် သမ်းလားရေ ထခုန်မတတ် ဝမ်းသာလုံး ဆို့လားရေ ငခယင် လာဗျာယ်မနားယေ လက်နှစ်ဖက်က အီးစက်နိန်ကေလေး လက်ကတော့ လုပ်လို့ြ၈ိုးကြူသံပီးလိုက်တေ မကြာလိုက် တချက်ချေမှာ ငခယင်ကို နှင်းမှုန်ကြားမှာ မြင်လိုက်ရရေ။
ငခယင်က ကိုယ်ကိုညွတ်လို့ ဒူးထောက် အရိုအသေပီးမကန်စွာကို ပျို့ အောင်က ကမန်းကတန်းဟန့်လိုက်တေ ”ငခယင် အေချင့် စစ်မြီပြင် အရိုအသေပီးစွာတိ နောက်ခါလုပ် အကြောင်းစုံ ချက်ချင်းတင်စီ” ငခယင်ရေ နွမ်းရိအားငယ်သံနန့် ”အေလားတပ်မင်းကြီး နန်းတွင်းမှာ ကကောင်းရှုပ်ထွီးလို့ ငသံတေကို ထောက်ခံရေ မူးမတ်တဝက်နန့် မဟာသမတရာဇာကို ထောက်ခံရေ မူးမတ်တဝက် နှစ်ဖက်အားပြိုင်နိန်စွာကို အကျွန်တွိခဘာရေ နန်းတွင်းက စစ်ကူပီးဖို့ မဆိုဘာကေ့ ရှိတန်းမှာ ဟိရေ တပ်မင်းကြီး ပျို့ အောင် ကျွဲတကောင်နိုင်ဗိုလ် ဗိုလ်မှူးမျက်တောင်ရှည် ဗိုလ်ခွက်ပေါက်ရို့ ရေ အရူးတိ ယင်းသူ့ရို့ သွီးသောက်တိကို တွိရာနိန်ရာမှာ အသီသတ်စီလို့ ရွှီမြောက်ဦးမြို့ ပြင်မှာ ပီစောင်တိ ကပ်ထားလို့ ယေဇူးနန့် အကျွန်ကမန်းကတန်း ဗြီးလာဖို့ကျဘာရေ မင်းတရားကြီးဖဝါးအောက် အကျွန်မရောက်နိုင်ခရေအတွက် ”ငခယင်ရေ စကားကို တဝက်ရပ်ထားလိုက်ပြီးကေ ခါးကြားက ဓါးမြှောင်ကို ဗြုန်းကနဲ့ ဆွဲဗျာယ်” အကျွန်တာဝန် မကျီ အကျွန့်ကို အဆုံးစီရင်လိုက်ပါဖိ” လို့ ဆိုဗျာယ် လိုင်ကို နောက်လှန်ပီးလိုက်တေ ပျို့ အောင်ခေါ် တပ်မင်းကြီး ပျို့အောင်ရေ ကြီကွဲဆို့ နစ်တေ ဟန်ပန်အမူအရာနန့် အံကြိတ် တောက်ခေါက်ဗျာယ် ချက်ချင်း လူစုဖို့ အချက်ပီးပြီးကေ သက္ကရာဇ် ၁၁၄၆ ခု နတ်တော်လဆန်း ခရာဇ်သက္ကရာဇ် (၁၇၈၄) ခု ဒီဇင်ဘာလ ၂၅ ရက်နိန့် သန်ခေါင်ကျော်မှာ သမိုင်းတွင်ရေ မိန်းခွန်းရှည်ကို အဂုပိုင်ပြောလိုက်ပါရေ။
”အဖရခိုင်ပြီကြီးကို အသက်နန့်ရင်းဗျာယ် တာဝန်ထမ်းဆောင်နိန်ဂတ်တေ သူရဲဗိုလ်ပါအပေါင်းရို့  အေနိန့်ကလွန်ကေ နက်ဖန်အာရုံတက်မှာ ငါရို့ ပိုင်ရေ အဖရခိုင်ပြီကို ပျူအောက်သား ငဝိုင်းတပ်ကို အယာခံလို့ သစ္စာဖေါက် ငသံဒေက ခေါ်ဆောင်လာရေအတွက် သွီးသောက်ရို့  က ငါရို့ မြီကို နှမ်းတစိချေလေး အဝင်မခံနိုင်အောင် စောင့်ရှောက်ဂတ်ရဖို့ ယေဇူးနန့် ရိုးမကို သက်သီပြုလို့ ငါ့ရို့  အသက်ရှင်နိန်သရွိ တိုက်ထုတ်ဖို့ ဆိုစွာကို ငါ့သွီးသောက်တိ လက်မောင်းသွီးကိုဖေါက် သစ္စာပြုဂတ်ရလိမ့်မေ ငသံတေ အယာခံလို့ ခေါ်လာရေ ငဝိုင်းတပ်ကို မတိုက်ဝန့်ရေလူ အေဂုချက်ချင်းနန်းတွင်းကို ပြန်နိုင်ရေ ငဝိုင်းက သမီးကညာဆက်သဖို့ စာချွန်လွှာကို ငါရို့ အသျှင် မဟာသမ္မတမင်းမြတ်ရာဇာက ဖိုးလောင်းတော် ဖီးလောင်းတော်ရို့ လက်ထက်မှာလေး ပျူအောက်သားရို့ နန့် စစ်တိုက်ဖို့စွာကို ကြောက်လို့ သမီးကညာဆက်သရိုးထုံး မဟိလီခ လို့ မိန့်ကြားတော်မူခရေ ဘုရင်အမိန့်ဆိုစွာ ထွီးပိုက်တေ တွံဆွီးကို ပြန်ကောက်တေလို့ ရာဇဝင်မဟိ အားလုံးသစ္စာသွီးကို သောက်ပြီးကေ ဓါးသွီးထားဂတ်ဖိ ငါ့မြီငါ့ရီငါ့အသျှင်ကို အသက်နန့်ရင်းလို့ ကာကွယ်ဂတ် ငါ့အမိန့် ” မန်အောင်ကျွန်း ဇာတိဖြစ်တေ တပ်မင်းကြီးပျို့ အောင်ရေ အာဇာဏီရို့့အမူအရာနန့် ညာဖက်လက်မောင်းကို ဆန့်ဗျာယ် ငခယင်ပီးရေ ဓါးမြှောင်နန့် သူ့လက်မောင်းကို အယင်ဖေါက်ဗျာယ် အပါးကသူရဲ(ရဲဖေါ်)တယောက် ပီးရေ ငွီခွက်ထဲကို သွီးစက်တိဖေါက်ထဲ့လိုက်တေ ခြုံထားရေ ပုဆိုးကို ဆွဲချွတ်လို့ စစ်ဝတ်စုံကိုဝတ်ဗျာယ် ဘယ်ဖက်က ကာလွှားကို ကိုင်လို့ ညာဖက်က ကျောက်စီဓါးကို ရှိကိုဆွဲဆန့်ဗျာယ် နှင်းထုကြားကို တလှမ်းချင်း ရင်ကော့ဂေါင်းမော့လို့ တိုးဝင်လားလီဘာရေ။။။။။။။။
(အဖက်ဖက်က ရခိုင်အမျိုးသားရို့  စည်းရုံးရေးပြိုကွဲမှူကြောင့် ရခိုင်သား ရမ်းဗြဲသားလို့ မလိုလားအပ်တေ ပြဿနာတိနန့် ငသံတေ အာဏာမက်တေခါ အဖရခိုင်ပြီကြီး ထီးသုဉ်းနန်းသုဉ်း အေနိန့်ထိ ဖြစ်နိန်ခဖို့စွာကို တပ်မင်းကြီး ပျို့ အောင် တယောက် သိခဖို့ ဆိုဘာကေ)
အဖိုးသျှင်(လေးဝတီ)