ရုံးခွန် အဆ၁၀၀ တိုးမြှင့်လိုက်သဖြင့် တရားမမှုများတွင် တရားစွဲဆိုမှု ပြုလုပ်ပါကရုံးခွန်အဖြစ် ငွေကျပ် ၁၅သိန်းပေးသွင်းနေရခြင်းကို ပြန်လည်ပြုပြင်ပေးရန် လွှတ်တော်တွင် အရေးကြီးအဆိုအဖြစ် တင်သွင်းသွားရန်ရှိကြောင်း သိရသည်။
ပိုက်ဆံရှိသူများသာတရားစွဲဆိုနိုင်ပြီးပိုက်ဆံမရှိသူများ တရားစွဲဆိုရန် ခက်ခဲသောငွေပမာဏဖြစ်သည့် တရားစွဲဆိုလျှင် ရုံးခွန် ငွေကျပ် ၁၅သိန်း ပေးသွင်းရခြင်းကိစ္စရပ်ကို
ပြုပြင်ပေးရန် မြန်မာနိုင်ငံရှေ့နေများကွန်ယက်မှ ပြည်သူ့လွှတ်တော် တရားစီရင်ရေး ဥပဒေရေးရာ ကော်မတီဥက္ကဋ္ဌသို့တင်ပြရာ လွှတ်တော်အစည်းအဝေးတွင် ဆွေးနွေးနိုင်ရန် အရေးကြီးအဆိုအဖြစ်တင်သွင်းရန် ပြည်သူ့လွှတ်တော် တရားစီရင်ရေးဥပဒေရေးရာကော်မတီဥက္ကဋ္ဌက ပြောကြားသည်။“ရုံးခွန်တော်ကိုအဆတစ်ရာတက်လိုက်တာက ကျွန်တော်တို့နိုင်ငံက လူတွေတရားမစွဲနိုင်အောင် ပြဌာန်းသလိုဖြစ်နေတယ်။
ပိုက်ဆံရှိတဲ့ သူတွေပဲ တရားစွဲနိုင်ပြီး ပိုက်ဆံမ၇ှိတဲ့သူတွေ ခံရမယ့် ပုံစံဖြစ်နေတယ်”ဟုရှေ့နေများကွန်ယက်မှ ဦးကိုနီက ပြောကြားသည်။
တရားမမှုများဖြစ်ပေါ်ပါကတရားစဆွဲလျှင် ရုံးခွန်တော်ငွေကျပ် ၁၅သိန်းပေးသွင်းရပြီး၊ အမှုရှုံးလျှင် ထို ၁၅သိန်းပြန်ယူခွင့်မရှိကြောင်း၊ အမှု ရှုံးသူဘက်မှ နောက် တစ်ဆင့် အယူခံတက်လိုလျှင် ငွေကျပ် ၁၅သိန်း ထပ်မံသွင်းရကြောင်း၊ပြင်ဆင်မှု အဖြစ်လျှောက်ထားလျှင်လည်း ငွေကျပ် ခုနှစ်သိန်းခွဲ
ပေးသွင်းနေရကြောင်း၊ ထိုကြောင့် မတရားစွပ်စွဲတရားစွဲခံရသူများမှာ ငွေကြေးမတတ်နိုင်သူများ ဖြစ်ပါက တရားရှုံးလျှင်ပြန်လည် တရားစွဲဆိုရန် ၊ ပြန်လည် အယူခံဝန်ရန် မတတ်နိုင်သဖြင့် ပိုက်ဆံရှိသူများ၏ မတရား၊ တရားစွဲဆိုမှုများကို ခံနေရကြောင်း ရှေ့နေဦးကိုနီကပြောကြားသည်။
ယခင်က တရားစွဲဆိုရာတွင် ရုံးခွန်အဖြစ် ရ၅၀၀ကျပ်ပေးသွင်းရပြီး၊ ၈၈ အာဏာသိမ်းပြီးနောက်ပိုင်းတွင် ရုံးခွန်နှစ်ဆတက်ခဲ့ပြီး ၁၅၀၀၀ ကျပ်ပေးသွင်းရကြောင်း၊ ယခုဒီမို
ကရေစီအစိုးရသစ် လက်ထက်တွင် ရုံးခွန်ကို အဆတစ်ရာတိုးမြှင့်ပြီး ၁၅သိန်းကောက်ခံခြင်း ဖြစ်ကြောင်း သိရသည်။
ရုံးအခွန်ငွေ တိုးမြှင့်ခြင်းနှင့် ပတ်သတ်ပြီးယခင်ကလွှတ်တော်
တွင် ဆွေးနွေးမှု ပြုလုပ်ဖူးသော်လည်း မှတ်တမ်းတင်သည့် အဆင့်သာ ရောက်ရှိခဲ့ကြောင်းလာမည့် အပတ်လွှတ်တော်တွင် ထပ်မံဆွေးနွေးနိုင်ရန် အရေးကြီးအဆိုအဖြစ် တင်သွင်းရန်
ပြည်သူ့လွှတ်တော် တရားစီရင်ရေး ဥပဒေရေးရာကော်မတီ ဥက္ကဋ္ဌ ပြောကြားသည်။
ဆုဝေ
No comments:
Post a Comment