၂၀၁၁
ခုနှစ် ဇူလိုင်လ (၈)ရက်နေ့က စတင်တည်ဆောက်ခဲ့သည့် တောင်ကုတ်ဒေသ
ကောလိပ်ကျောင်းကို ၂၀၁၂ ခုနှစ် ဒီဇင်ဘာလ (၃၁) ရက်နေ့တွင်
စတင်လည်ပတ်တော့မည်ဖြစ်ကြောင်း သတင်းရရှိသည်။" ကျောင်းဆောက်လုပ်မယ့် ညွှန်ကြားချက်အမိန့် လက်ခံရရှိတာ နည်းနည်းနောက်ကျတော့ ဒီနှစ်မကုန်ခင် ကောလိပ်ကျောင်း ပြီးစီးအောင် အားတိုက်အင်တိုက်ကြိုးစား ဆောက်လုပ်နေကြပါတယ်။ ဒီဇင်ဘာ (၃၁)ရက် နေ့မှာ စတင်ဖွင့်လှစ် လည်ပတ်တော့မှာပါ။ ဒီကောလိပ်ကျောင်း မဖွင့်ခင်ကတည်းကပင် တောင်ကုတ်မြို့ အ.ထ.က ကျောင်းမှာ ဒီဇင်ဘာလ (၁)ရက်နေ့ ကတည်းက ပထမနှစ် ကောလိပ်ကျောင်းသားတွေကို လက်ခံပြီးတော့ ယာယီစတင်လည်ပတ်နေခဲ့ပါတယ်။ ကောလိပ်ကျောင်း အုပ်ချုပ်ရေးပိုင်းမှာ ကျောင်းအုပ် ပါမေက္ခချုပ်အပါအ၀င် ရုံးအုပ်ထိတစ်ဆယ့်နှစ်(၁၂)ယောက်၊ ကောလိပ်ကျောင်းဆရာ၊ ဆရာမ ငါးဆယ့်ခုနှစ်(၅၇)ယောက်နှင့် လောလောဆဲ ကောလိပ်ကျောင်းသား/ကျောင်းသူ (၄၇၇)ယောက် တက်ရောက်သင်ကြားနေပါတယ်။ ဒီဇင်ဘာ (၃၁)ရက်နေ့ ဆိုရင်တော့ ကောလိပ်ကျောင်းသို့ ပြောင်းရွေ့နိုင်ပါပြီ။ " ဟု တောင်ကုတ်ဒေသ ကောလိပ်ကျောင်း တည်ဆောက်ရေးတာဝန်ခံ ဦးကျောက်တောင်က အာရ်ကန်တိုင်းမ်စ်သို့ ပြောသည်။
တောင်ကုတ်ဒေသ ကောလိပ်ကျောင်း၏ ကျောင်းအုပ် ပါမေက္ခချုပ်မှာ ဒေါက်တာ သာထွန်းမောင်ဖြစ်ပြီး ၄င်းမှာ ဗွီအိုအေ အမေရိကန်မြန်မာပိုင်း အစီအစဉ်တွင် တာဝန်ထမ်းဆောင်နေသော ဦးကျော်ဇံသာ၏ ညီဖြစ်ကြောင်း သိရှိရသည်။
ရခိုင်ကျောင်းသားသမဂ္ဂမှ ၂၀၁၂ ခုနှစ် အောက်တိုဘာလတွင် ပြုလုပ်ခဲ့သော လူထုတွေ့ဆုံပွဲတွင် အစိုးရထံသို့ တင်ပြတောင်းဆိုခဲ့သော အချက် (၅)ချက်အနက် နံပါတ် (၂)အချက်ဖြစ်သည့် တောင်ကုတ်မြို့နယ် ဒေသကောလိပ်အား စီးပွားရေးတက္ကသိုလ်အဖြစ် ပြောင်းလဲဖွင့်လှစ်ပေးရန်အချက်နဲ့ ပတ်သက်၍
" ဒီရခိုင်ကျောင်းသားသမဂ္ဂက ကျောင်းသားခေါင်းဆောင်တွေ မကြာခင်သေးခင်က ကျနော်တို့ ဆီကိုရောက်လာပြီးတော့ အကျေအလည်ဆွေးနွေး ညှိနှိုင်းခဲ့ကြပါတယ်။ ကျနော်တို့ဖက်က ဒီကောလိပ်ကျောင်း ဆောက်လုပ်ရတဲ့ ရည်ရွယ်ချက်နဲ့ တောင်ကုတ်မြို့နယ် ဒေသခံတွေရဲ့ သဘောထားကို သေသေချာချာနားလည် သဘောပေါက်အောင် ရှင်းပြလိုက်ပါတယ်။ ဒီကျောင်းသားလေးတွေ နားလည်သဘောပေါက်သွားပြီး သူတို့ရဲ့တောင်းဆိုချက်ကိုလည်း ပြန်လည်ရုပ်သိမ်းပေးပါ့မယ်လို့ ကတိပေးသွားပါတယ်။ ဒီတောင်ကုတ်ဒေသ ကောလိပ်ကျောင်း ဆောက်လုပ်ခွင့် အမိန့်ညွှန်ကြားချက်ကို ပြည်သူ့လွှတ်တော်က အတည်ပြုပြီးတော့ ကျနော်တို့ကို ခွင့်ပြုထားတာဖြစ်ပါတယ်။ ကောလိပ်ကျောင်းကို စီးပွားရေး တက္ကသိုလ်အဖြစ် ပြောင်းလဲဖွင့်လှစ်ဖို့ပဲဖြစ်ဖြစ် ရပ်စဲဖို့ပဲပဲ ပြည်သူ့လွှတ်တော်ကသာ ပြောင်းလဲရပ်စဲလို့ ရမှာဖြစ်ပါတယ်။ " ဟု ဦးကျောက်တောင်မှ အာရ်ကန်တိုင်းမ်စ်သို့ ရှင်းလင်း ပြောကြားသွားခဲ့သည်။
arakantime
No comments:
Post a Comment