တူရကီ
နိုင်ငံ၏ မြေထဲပင်လယ် ဆိပ်ကမ်းမြို့ Iskendurun တွင် ပက်ထရီယော့
ဒုံးကျည်များ တပ်ဖြန့်ရန် အတွက် ရောက်ရှိနေသော ဂျာမနီ တပ်ဖွဲ့ဝင်များအား
တူရကီ ဆန္ဒပြသူများမှ တိုက်ခိုက်ခဲ့ကြောင်း သိရှိရပါ သည်။
အဆိုပါ
တိုက်ခိုက် သူများသည် တူရကီ အလုပ်သမား ပါတီအောက်ရှိ တူရကီ လူငယ်သမဂ္ဂ
(TGB) အဖွဲ့ဝင်များ ဖြစ်ကြောင်း သိရှိရပါသည်။ တိုက်ခိုက်သူ များထဲမှ ၁၄
ဦးအား ဖမ်းဆီးထားပြီး ၂၈ ဦးအား အန္တရာယ် ဖြစ်စေသော တိုက်ခိုက်မှုဖြင့်
တရားစွဲဆို ခံထားရကြောင်း Iskendurun ရှေ့နေရုံး၏ ပြောကြား ချက်အား တူရကီ
မီဒီယာများက ကိုးကား၍ ဖော်ပြခဲ့ပါသည်။ အလားတူ တူရကီနိုင်ငံ Ankara
မြို့တွင်လည်း နေတိုးတပ်ဖွဲ့ဝင် များ၏ ပက်ထရီယော့ဒုံးကျည် တပ်ဖြန့်မှုနှင့်
နိုင်ငံအတွင်း ပြည်ပတပ်ဖွဲ့များ ဝင်ရောက်ခြင်း အား ဆန့်ကျင်ဆန္ဒပြမှုများ
ဖြစ်ပွားခဲ့ပါသည်။ လွန်ခဲ့သော ရက်ပိုင်းအတွင်း တူရကီနိုင်ငံရှိ ဂျပန်နှင့်
အမေရိကန် သံရုံးများ ရှေ့တွင်လည်း ဆန္ဒပြမှုများ ပြုလုပ်ခဲ့ကြောင်း
သိရှိရပါသည်။
မြ၀တီ
No comments:
Post a Comment