ခိုးမှု၊မသင်္ကာမှုဖြင့်
ဖမ်းဆီးခံထားရသူမှ အချုပ်ခန်းအတွင်း မိမိကိုယ်ကို သေကြောင်းကြံစည်မှု တစ်ခု
ဖြစ်ပွားခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ သိရသည်။
ဒီဇင်ဘာ ၁၉ ရက်နေ့ ည (၇)နာရီခန့်က
စမ်းချောင်းမြို့နယ် အတွင်း ရှိ နေအိမ်တစ်အိမ်တွင် 3K တံဆိပ်ပါ
ဘက်ထရီအိုးကြီး တစ်လုံးအား ခိုးယူခဲ့ပြီး သံတံတားရပ်ကွက် အတွင်းရှိ
ရွှေညီကို အမှတ်(၂) ပစ္စည်း အဟောင်း ရောင်းဝယ်ရေးဆိုင်တွင်
သွားရောက်ရောင်းချခဲ့သူဟု မသင်္ကာမှုဖြင့် စမ်းချောင်းမြို့နယ်
သံတံတားရပ်ကွက်နေ မောင်ဇော်အား စမ်းချောင်းရဲစခန်းမှ ပ-၄၇၆/၁၂ ပုဒ်မ
၃၈၀/၅၄ ဖြင့် အမှုဖွင့် စစ်ဆေးခံခဲ့ရပြီးနောက် စမ်းချောင်း
ရဲစခန်းအချုပ်ခန်းအတွင်း ချုပ်နှောင်ထားစဉ်ှ အချုပ်ခန်း သစ်သားတိုင်နှင့်
ဦးခေါင်းအား ဆောင့်၍ မိမိကိုယ်ကို သေကြောင်းကြံစည်ခဲ့သဖြင့်
ဦးခေါင်းထိပ်ပေါက်ပြဲ ဒဏ်ရာတစ်ချက် ရရှိခဲ့၍ ရန်ကုန်ဆေးရုံကြီးသို့
ရဲဆေးစာဖြင့် ပို့ဆောင်ကုသရသောကြောင့် စမ်းချောင်းရဲစခန်းက ပ-၄၇၇/၁၂ ပုဒ်မ
၃၀၉ ဖြင့် ပုဒ်မတစ်ခု ထပ်ဖွင့်ကာ အမှုဖွင့် စစ်ဆေးလျက် ရှိကြောင်း သိရသည်။
Popular Myanmar News Journal
No comments:
Post a Comment