ဘာစီလိုနာမှ ထွက်ခွာရန်ဆုံးဖြတ်ထားသည့်ဒေးဗစ်ဗီလာမှာ အာဆင်နယ်သို့ ပြောင်းရွှေ့ရန် စိတ်ဝင်စားနေသည်ဟု ၎င်းနှင့်နီးစပ်သော
အသိုင်းအ၀ိုင်းများမှ သိရှိရသည်။
ပြီးခဲ့သော ဇန်န၀ါရီ အပြောင်းအရွှေ့တွင် အာဆင်နယ်သို့
ဒေးဗစ်ဗီလာ ရောက်ရှိဖွယ်ရှိသည်ဟု ခန့်မှန်းခဲ့ကြသော်လည်း အာဆင်နယ်မှ ၎င်းကို တရားဝင် ကမ်းလှမ်းခဲ့ခြင်း မရှိပေ။
သို့သော် အာဆင်နယ်အနေဖြင့် ပရိသတ်များ ဝေဖန်နေသော အသင်းပေါ်လစီကို ပြောင်းလဲ ရန် ကြံရွယ်နေပြီး နာမည်ကျော် ကစားသမားများ ခေါ်ယူရန် ကြိုးပမ်းလာသောကြောင့် ဒေးဗစ်ဗီလာအနေဖြင့် နွေရာသီ အပြောင်းအရွှေ့တွင် အာဆင်နယ်သို့
ရောက်လာဖွယ်ရှိသည်။ ဒေးဗစ်ဗီလာမှာ ပြီးခဲ့သောရာသီက ဒဏ်ရာ ပြဿနာ ကြုံခဲ့ရပြီးနောက် ပွဲထွက်ခွင့် ဆုံးရှုံးနေသူလည်း ဖြစ်သည်။
၎င်းမှာ ဘာစီလိုနာတွင် တစ်ပတ်လုပ်ခ ပေါင်(၁၁၀၀၀၀)ရရှိနေသူဖြစ်ပြီး ယင်းလုပ်ခလစာမှာ အာဆင်နယ်အတွက် အခက်အခဲဖြစ်ဖွယ်မရှိဟု မီဒီယာများက သုံးသပ်ခဲ့ကြပြီး (၃)နှစ် စာချုပ် သက်တမ်းဖြင့် အာဆင်နယ်သို့ ရောက်ရှိလာဖွယ်ရှိကြောင်း သတင်းများတွင် ဖော်ပြထားသည်။
No comments:
Post a Comment