ပါကစ္စတန်
နိုင်ငံခြားရေး ဝန်ကြီး Hina Rabbani Khar က အိန္ဒိယ နိုင်ငံခြားရေး
ဝန်ကြီးသို့ ကက်ရ်ှမီးယား ဒေသတွင်း အခြေအနေ တင်းမာမှုများအား ထိန်းသိမ်း
ဖြေရှင်းပေး နိုင်ရေး ဆွေးနွေး ပြုလုပ်ရန် တောင်းဆိုပြီးနောက် ဇန်နဝါရီလ
၁၇ ရက်နေ့တွင် အပစ်အခတ် ရပ်စဲရေး သဘော တူညီမှု ရရှိခဲ့ပါ သည်။ ဇန်နဝါရီလ ၁၆
ရက်နေ့တွင်လည်း အိန္ဒိယ ဗိုလ်ချုပ်ကြီး Vinad Bhatia နှင့် ပါကစ္စတန်
ဗိုလ်ချုပ်ကြီး Ashfaq Nadeem တို့ကြား တယ်လီဖုန်းဖြင့် ဆက်သွယ်ပြော ဆို၍
အပစ်အခတ် ရပ်စဲရေး သဘောတူညီမှု ရရှိခဲ့ကြောင်း သိရှိရပါသည်။ ဇန်နဝါရီလ ၆
ရက်နေ့မှစ၍ ကက်ရ်ှမီးယား ဒေသရှိ အိန္ဒိယ-ပါကစ္စတန် နယ်စပ်
မျဉ်းတစ်လျှောက်တွင် နှစ်နိုင်ငံ တပ်ဖွဲ့ဝင်များ အပြန်အလှန်
ပစ်ခတ်မှုများကြောင့် ပါကစ္စတန် စစ်သည် ၃ ဦးနှင့် အိန္ဒိယစစ်သည် ၂ ဦး
သေဆုံးခဲ့ကြောင်း သိရှိရပါသည်။ အိန္ဒိယ စစ်သည် တစ်ဦးမှာ ခေါင်းဖြတ်ခြင်း
ခံခဲ့ရကြောင်း သိရှိရပါသည်။
မြ၀တီ
မြ၀တီ
No comments:
Post a Comment